অক্ষৰব্ৰহ্মযোগ

অৰ্জুন উবাচ |

কিং তদ্ ব্ৰহ্ম কিমধ্যাত্মং কিং কৰ্ম পুৰুষোত্তম |

অধিভূতং চ কিং প্ৰোক্তমধিদৈবং কিমুচ্যতে ||৮-১||

অধিয়জ্ঞঃ কথং কোऽত্ৰ দেহেऽস্মিন্মধুসূদন |

প্ৰয়াণকালে চ কথং জ্ঞেয়োऽসি নিয়তাত্মভিঃ ||৮-২||

শ্ৰীভগৱানুবাচ |

অক্ষরং ব্ৰহ্ম পরমং স্বভাবোऽধ্যাত্মমুচ্যতে |

ভূতভাবোদ্ভবকরো বিসর্গঃ কৰ্মসংজ্ঞিতঃ ||৮-৩||

অধিভূতং ক্ষরো ভাবঃ পুরুষশ্চাধিদৈবতম্ |

অধিয়জ্ঞোऽহমেবাত্র দেহে দেহভৃতাং বর ||৮-৪||

অন্তকালে চ মামেব স্মরন্মুত্ত্বা কলেবরম্ |

যঃ প্ৰয়াতি স মদ্ভাবং যাতি নাস্ত্যত্র সংশয়ঃ ||৮-৫||

যং যং বাপি স্মরন্ভাবং ত্যজত্যন্তে কলেবরম্ |

তং তমেবৈতি কৌন্তেয় সদা তদ্ভাবভাবিতঃ ||৮-৬||

তস্মাৎসর্বেষু কালেষু মামনুস্মর যুধ্য চ |

ময়্যর্পিতমনোবুদ্ধির্মামেবৈষ্যস্যসংশয়ঃ ||৮-৭||

অভ্যাসযোগযুক্তেন চেতসা নান্যগামিনা |

পরমং পুরুষং দিব্যং যাতি পার্থানুচিন্তয়ন্ ||৮-৮||

কবিং পুরাণমনুশাসিতার-

মণোরণীয়ংসমনুস্মরেদ্যঃ |

সর্বস্য ধাতারমচিন্ত্যরূপ-

মাদিত্যবর্ণং তমসঃ পরস্তাৎ ||৮-৯||

প্ৰয়াণকালে মনসাऽচলেন

ভক্ত্যা যুক্তো যোগবলেন চৈব |

ভ্ৰুবোর্মধ্যে প্ৰাণমাবেশ্য সম্যক

স তং পরং পুরুষমুপৈতি দিব্যম্ ||৮-১০||

যদক্ষরং বেদবিদো বদন্তি

বিশন্তি যদ্যতয়ো বীতরাগাঃ |

যদিচ্ছন্তো ব্ৰহ্মচর্যং চরন্তি

তত্তে পদং সংগ্ৰহেণ প্ৰবক্ষ্যে ||৮-১১||

সর্বদ্বারাণি সংযম্য মনো হৃদি নিরুধ্য চ |

মূধ্ন্যাৰ্ধায়াত্মনঃ প্ৰাণমাস্থিতো যোগধারণাম্ ||৮-১২||

ওমিত্যেকাক্ষরং ব্ৰহ্ম ব্যাহরন্মামনুস্মরন্ |

যঃ প্ৰয়াতি ত্যজন্দেহং স যাতি পরমাং গতিম্ ||৮-১৩||

অনন্যচেতাঃ সততং যো মাং স্মরতি নিত্যশঃ |

তস্যাহং সুলভঃ পাৰ্থ নিত্যযুক্তস্য যোগিনঃ ||৮-১৪||

মামুপেত্য পুনর্জন্ম দুঃখালয়মশাশ্বতম্ |

নাপ্নুবন্তি মহাত্মানঃ সংসিদ্ধিং পরমাং গতাঃ ||৮-১৫||

আব্ৰহ্মভুবনাল্লোকাঃ পুনরাবর্তিনোऽর্জুন |

মামুপেত্য তু কৌন্তেয় পুনর্জন্ম ন বিদ্যতে ||৮-১৬||

সহস্ৰযুগপর্যত্তমহর্যদ ব্ৰহ্মণো বিদুঃ |

ৰাত্ৰিং যুগসহস্ৰান্তাং তেऽহোৰাত্ৰবিদো জনাঃ ||৮-১৭||

অব্যক্তাদ ব্যক্তয়ঃ সর্বাঃ প্ৰভবন্ত্যহরাগমে |

ৰাত্ৰ্যাগমে প্ৰলীয়ন্তে তত্রৈবাব্যক্তসংজ্ঞকে ||৮-১৮||

ভূতগ্ৰামঃ স এৱায়ং ভূত্বা ভূত্বা প্ৰলীয়তে |

ৰাত্ৰ্যাগমেऽবশঃ পাৰ্থ প্ৰভবত্যহরাগমে ||৮-১৯||

পরস্তস্মাত্তু ভাবোऽন্যোऽব্যক্তোऽব্যক্তাৎসনাতনঃ |

যঃ স সর্বেষু ভূতেষু নশ্যৎসু ন বিনশ্যতি ||৮-২০||

অব্যক্তোऽক্ষর ইত্যুক্তস্তমাহুঃ পরমাং গতিম্ |

যং প্ৰাপ্য ন নিবর্তন্তে তদ্ধাম পরমং মম ||৮-২১||

পুরুষঃ স পরঃ পাৰ্থ ভক্ত্যা লভ্যস্ত্বননয়য়া |

যস্যান্তঃস্থানি ভূতানি যেন সর্বমিদং তততম্ ||৮-২২||

যত্র কালে ত্বনাবৃত্তিমাবৃত্তিং চৈব যোগিনঃ |

প্ৰয়াতা যান্তি তং কালং বক্ষ্যামি ভরতর্ষভ ||৮-২৩||

অগ্নির্জোতিরহঃ শুক্লঃ ষণ্মাসা উত্তরায়ণম্ |

তত্ৰ প্ৰয়াতা গচ্ছন্তি ব্ৰহ্ম ব্ৰহ্মবিদো জনাঃ ||৮-২৪||

ধূমো ৰাত্ৰিস্তথা কৃষ্ণঃ ষণ্মাসা দক্ষিণায়নম্ |

তত্ৰ চান্দ্ৰমসং জ্যোতির্যোগী প্ৰাপ্য নিবর্ততে ||৮-২৫||

শুক্লকৃষ্ণে গতী হ্যেতে জগতঃ শাশ্বতে মতে |

একয়া যাত্যনাবৃত্তিমন্যয়াবর্ততে পুনঃ ||৮-২৬||

নৈতে সৃতী পাৰ্থ জানন্যোগী মুহ্যতি কশ্চন |

তস্মাৎসর্বেষু কালেষু যোগযুক্তো ভবাজুর্ন ||৮-২৭||

বেদেষু যজ্ঞেষু তপঃসু চৈব

দানেষু যৎপুণ্যফলং প্ৰদিষ্টম্ |

অত্যেতি তৎসর্বমিদং বিদিত্বা

যোগী পরং স্থানমুপৈতি চাদ্যম্ ||৮-২৮||