বিভূতিযোগ

শ্ৰীভগৱানুবাচ |

ভূয় এব মহাবাহো শৃণু মে পরমং বচঃ |

য়ত্তেহং প্ৰীয়মাণায় বক্ষ্যামি হিতকাম্যয়া ||১০-১||

ন মে বিদুঃ সুৰগণাঃ প্ৰভবং ন মহৰ্ষয়ঃ |

অহমাদিৰ্হি দেৱানাং মহৰ্ষীণাং চ সৰ্বশঃ ||১০-২||

য়ো মামজমনাদিং চ বেত্তি লোকমহেশ্বৰম্ |

অসম্মূঢ়ঃ স মর্ত্যেষু সৰ্বপাপৈঃ প্ৰমুচ্যতে ||১০-৩||

বুদ্ধিৰ্জ্ঞানমসম্মোহঃ ক্ষমা সত্যং দমঃ শমঃ |

সুখং দুঃখং ভৱোহভাৱো ভয়ং চাত্যমেৱ চ ||১০-৪||

অহিংসা সমতা তুষ্টিস্তপো দানং যশোয়শঃ |

ভৱন্তি ভাৱা ভূতানাং মত্ত এৱ পৃথগ্বিধাঃ ||১০-৫||

মহৰ্ষয়ঃ সপ্ত পূৰ্বে চত্বাৰো মনৱস্তথা |

মদ্ভাৱা মানসা জাতা য়েষাং লোক ইমাঃ প্ৰজাঃ ||১০-৬||

এতাং বিভূতিং যোগং চ মম য়ো বেত্তি তত্ত্বতঃ |

সোৱিকম্পেন যোগেন যুজ্যতে নাত্র সংশয়ঃ ||১০-৭||

অহং সৰ্বস্য প্ৰভৱো মত্তঃ সৰ্বং প্ৰৱৰ্ততে |

ইতি মত্বা ভজন্তে মাং বুধা ভাৱসমন্বিতাঃ ||১০-৮||

মচ্চিত্তা মদ্গতপ্ৰাণা বোধয়ন্তঃ পৰস্পৰম্ |

কথয়ন্তশ্চ মাং নিত্যং তুষ্যন্তি চ ৰমন্তি চ ||১০-৯||

তেষাং সততযুক্তানাং ভজতাং প্ৰীতিপূৰ্বকম্ |

দদামি বুদ্ধিয়োগং তং যেন মামুপয়ান্তি তে ||১০-১০||

তেষামেৱানুকম্পাৰ্থমহমজ্ঞানজং তমঃ |

নাশয়াম্যাত্মভাৱস্থো জ্ঞানদীপেন ভাস্বতা ||১০-১১||

অৰ্জুন উবাচ |

পৰং ব্ৰহ্ম পৰং ধাম পৱিত্ৰং পৰমং ভৱান্ |

পুৰুষং শাশ্বতং দিব্যমাদিদেৱমজং বিভুম্ ||১০-১২||

আহুস্ত্বামৃষয়ঃ সৰ্বে দেৱৰ্ষিৰ্নাৰদস্তথা |

অসিতো দেৱলো ব্যাসঃ স্বয়ং চৈৱ ব্ৰবীষি মে ||১০-১৩||

সৰ্বমেতদৃতং মন্যে য়ন্মাং বদসি কেশৱ |

ন হি তে ভগৱন্ব্যক্তিং বিদুৰ্দেৱা ন দানৱাঃ ||১০-১৪||

স্বয়মেৱাত্মনাত্মানং বেত্থ ত্বং পুৰুষোত্তম |

ভূতভাৱন ভূতেশ দেৱদেৱ জগৎপতে ||১০-১৫||

ৱক্তুমৰ্হস্যশেষেণ দিব্যা হ্যামবিভুতয়ঃ |

য়াভিৰ্বিভূতিভিৰ্লোকানিমাংস্ত্বং ব্যাপ্য তিষ্ঠসি ||১০-১৬||

কথং বিদ্যামহং যোগিস্ত্বং সদা পৰিচিন্তয়ন্ |

কেষু কেষু চ ভাৱেষু চিন্ত্যোসি ভগৱন্ময়া ||১০-১৭||

ৱিস্তৰেণাত্মনো যোগং বিভূতিং চ জনাৰ্দন |

ভূয়ঃ কথয় তৃপ্তিৰ্হি শৃণ্বতো নাস্তি মেহমৃতম্ ||১০-১৮||

শ্ৰীভগৱানুবাচ |

হন্ত তে কথয়িষ্যামি দিব্যা হ্যামবিভুতয়ঃ |

প্ৰাধান্যতঃ কুৰুশ্ৰেষ্ঠ নাস্ত্যন্তো বিস্তৰস্য মে ||১০-১৯||

অহমাত্মা গুডাকেশ সৰ্বভূতাশয়স্থিতঃ |

অহমাদিৰ্মধ্যং চ ভূতানামন্ত এৱ চ ||১০-২০||

আদিত্যানামহং বিষ্ণুৰ্জ্যোতিষাং ৰৱিৰংশুমান্ |

মৰীচিৰ্মৰুতামস্মি নক্ষত্ৰাণামহং শশী ||১০-২১||

ৱেদানাং সামৱেদোহস্মি দেৱানামস্মি বাসবঃ |

ইন্দ্ৰিয়াণাং মনশ্চাস্মি ভূতানামস্মি চেতনা ||১০-২২||

ৰুদ্ৰাণাং শংকৰশ্চাস্মি বিত্তেশো যক্ষৰক্ষসাম্ |

ৱসূনাং পাৱকশ্চাস্মি মেৰুঃ শিখৰিণামহম্ ||১০-২৩||

পুৰোধসাং চ মুখ্যং মাং বিদ্ধি পাৰ্থ বৃহস্পতিম্ |

সেনানীনামহং স্কন্দঃ সৰসামস্মি সাগৰঃ ||১০-২৪||

মহৰ্ষীণাং ভৃগুৰহং গিৰামস্ম্যেকমক্ষৰম্ |

য়জ্ঞানাং জপযজ্ঞোহস্মি স্থাৱৰাণাং হিমালয়ঃ ||১০-২৫||

অশ্বত্থঃ সৰ্ববৃক্ষাণাং দেৱৰ্ষীণাং চ নাৰদঃ |

গন্ধৰ্ৱাণাং চিত্ৰৰথঃ সিদ্ধানাং কপিলো মুনিঃ ||১০-২৬||

উচ্চৈঃশ্ৰৱসমশ্বানাং বিদ্ধি মামমৃতোদ্ভৱম্ |

ঐৰাৱতং গজেন্দ্ৰাণাং নৰাণাং চ নৰাধিপম্ ||১০-২৭||

আয়ুধানামহং বজ্ৰং ধেনূনামস্মি কামধুক্ |

প্ৰজনশ্চাস্মি কন্দৰ্পঃ সৰ্পাণামস্মি বাসুকিঃ ||১০-২৮||

অনন্তশ্চাস্মি নাগানাং বৰুণো য়াদসামহম্ |

পিতৃণামৰ্যমা চাস্মি যমঃ সংযমতামহম্ ||১০-২৯||

প্ৰহ্লাদশ্চাস্মি দৈত্যানাং কালঃ কলয়তামহম্ |

মৃগাণাং চ মৃগেন্দ্ৰোহহং ৱৈনতেয়শ্চ পক্ষিণাম্ ||১০-৩০||

পৱনঃ পৱতামস্মি ৰামঃ শস্ত্ৰভৃতামহম্ |

ঝষাণাং মকৰশ্চাস্মি স্রোতসামস্মি জাহ্নৱী ||১০-৩১||

সৰ্গণামাদিৰন্তশ্চ মধ্যং চৈৱাহমৰ্জুন |

অধ্যাত্মৱিদ্যা ৱিদ্যানাং ৱাদঃ প্ৰৱদতামহম্ ||১০-৩২||

অক্ষৰাণামকাৰোহস্মি দ্বন্দ্বঃ সামাসিকস্য চ |

অহমেৱাক্ষয়ঃ কালো ধাতাহং বিশ্বতোমুখঃ ||১০-৩৩||

মৃত্যুঃ সৰ্বহৰশ্চাহমুদ্ভৱশ্চ ভৱিষ্যতাম্ |

কীৰ্তিঃ শ্ৰীৰ্বাক্চ নাৰীণাং স্মৃতিৰ্মেধা ধৃতিঃ ক্ষমা ||১০-৩৪||

বৃহৎসাম তথা সাম্নাং গায়ত্ৰী ছন্দসামহম্ |

মাসানাং মাৰ্গশীৰ্ষোহমৃতূনাং কুসুমাকৰঃ ||১০-৩৫||

দ্যুতং ছলয়তামস্মি তেজস্তেজস্বিনামহম্ |

জয়োহস্মি ব্যৱসায়োহস্মি সত্ত্বং সত্ত্বৱতামহম্ ||১০-৩৬||

বৃষ্ণীনাং বাসুদেৱোহস্মি পাণ্ডৱানাং ধনঞ্জয়ঃ |

মুনীনামপ্যহং ব্যাসঃ কবীনামুশনা কবিঃ ||১০-৩৭||

দণ্ডো দময়তামস্মি নীতিৰস্মি জিগীষতাম্ |

মৌনং চৈৱাস্মি গুহ্যানাং জ্ঞানং জ্ঞানৱতামহম্ ||১০-৩৮||

য়চ্চাপি সৰ্বভূতানাং বীজং তদহমৰ্জুন |

ন তদস্তি ৱিনা য়ৎস্যান্ময়া ভূতং চৰাচৰম্ ||১০-৩৯||

নান্তোহস্তি মম দিব্যানাং বিভূতীনাং পৰন্তপ |

এষ তুদ্দেশতঃ প্ৰোক্তো বিভূতেৰ্বিস্তৰো ময়া ||১০-৪০||

য়দ্যদ্বিভূতিমৎসত্ত্বং শ্ৰীমদূৰ্জিতমেৱ ৱা |

তত্তদেৱাৱগচ্ছ ত্বং মম তেজোংশসম্ভৱম্ ||১০-৪১||

অথৱা বহুনৈতেন কিং জ্ঞাতেন তৱাৰ্জুন |

ৱিষ্টভ্যাহমিদং কৃৎস্নমেকাংশেন স্থিতো জগৎ ||১০-৪২||