ગુણત્રયવિભાગયોગ - શ્લોક શ્લોક 22, 23, 24, 25

અનુવાદ

।।૧૪. ૨૨।।શ્રીભગવાને કહ્યું - હે પાંડવ! (જ્ઞાની પુરુષ) પ્રકાશ, પ્રવૃત્તિ અને મોહ પ્રવૃત્ત થવા છતાં તેમનો દ્વેષ કરતો નથી તથા નિવૃત્ત થવા પર તેમની આકાંક્ષા કરતો નથી. ।।૧૪. ૨૩।।જે ઉદાસીન સમાન આસીન થઈ ગુણો દ્વારા વિચલિત થતો નથી અને "ગુણો જ વર્તે છે" એમ જાણીને સ્થિત રહે છે અને તે સ્થિતિથી વિચલિત થતો નથી. ।।૧૪. ૨૪।।જે સ્વસ્થ (સ્વરૂપમાં સ્થિત), સુખ-દુઃખમાં સમાન રહે છે તથા માટી, પથ્થર અને સોનામાં સમદૃષ્ટિ રાખે છે; એવો વીર પુરુષ પ્રિય અને અપ્રિયને તથા નિંદા અને આત્મસ્તુતિને તુલ્ય સમજે છે. ।।૧૪. ૨૫।।જે માન અને અપમાનમાં સમાન છે; શત્રુ અને મિત્રના પક્ષમાં પણ સમાન છે, એવો સર્વ આરંભનો ત્યાગ કરનારો પુરુષ ગુણાતીત કહેવાય છે.