ક્ષેત્ર-ક્ષેત્રજ્ઞવિભાગયોગ - શ્લોક શ્લોક 8, 9, 10, 11, 12

અમાનિત્વમદમ્ભિત્વમહિંસા ક્ષાન્તિરાર્જવમ્ |

આચાર્યોપાસનં શૌચં સ્થૈર્યમાત્મવિનિગ્રહઃ ||૧૩-૮||

ઇન્દ્રિયાર્થેષુ વૈરાગ્યમનહંકાર એવ ચ |

જન્મમૃત્યુજરાવ્યાધિદુઃખદોષાનુદર્શનમ્ ||૧૩-૯||

અસક્તિરનભિષ્વઙ્ગઃ પુત્રદારગૃહાદિષુ |

નિત્યં ચ સમચિત્તત્વમિષ્ટાનિષ્ટોપપત્તિષુ ||૧૩-૧૦||

મયિ ચાનન્યયોગેન ભક્તિરવ્યભિચારિણી |

વિવિક્તદેશસેવિત્વમરતિર્જનસંસદિ ||૧૩-૧૧||

અધ્યાત્મજ્ઞાનનિત્યત્વં તત્ત્વજ્ઞાનાર્થદર્શનમ્ |

એતજ્જ્ઞાનમિતિ પ્રોક્તમજ્ઞાનં યદતોઽન્યથા ||૧૩-૧૨||